Naxçıvan Muxtar Respublikası

Fövqəladə Hallar Nazirliyi tərəfindən fövqəladə hallarla bağlı davranış qaydaları barədə əhalinin maarifləndirilməsi məqsədilə silsilə tədbirlər keçirilib.

Belə ki, Fövqəladə Hallar Nazirliyinin Mülki müdafiə və əməliyyat planlaşdırma işinin təşkili idarəsinin, Sədərək rayon Dövlət Yanğından Mühafizə Hissəsinin əməkdaşlarının iştirakı ilə maarifləndirmə tədbirləri keçirilib.

Tədbirlərin keçirilməsində məqsəd baş verə biləcək təbii və texnogen xarakterli fövqəladə hadisələrlə bağlı zəruri davranış qaydaları barədə müvafiq biliklərin verilməsi olub.

Tədbirlərdə fövqəladə halların təsnifatı, muxtar respublika üçün xarakterik olan fövqəladə hallar, o cümlədən yanğınların baş vermə səbəbləri və bu zaman zəruri davranış qaydaları barədə ətraflı məlumat verilib, FHN-in “112” qaynar telefon xəttinin təyinatı izah olunub.

İnteraktiv formada keçirilən tədbirlər zamanı suallar ətraflı cavablandırılıb.

• 
• 
• 
•  

View the embedded image gallery online at:
http://www.fh.nakhchivan.az/2019-05-23-06-46-50/x%C9%99b%C9%99rl%C9%99r/1089-nax%C3%A7%C4%B1van-muxtar-respublikas%C4%B1n%C4%B1n-f%C3%B6vq%C9%99lad%C9%99-hallar-nazirliyi-t%C9%99r%C9%99find%C9%99n-silsil%C9%99-maarifl%C9%99ndirm%C9%99-t%C9%99dbirl%C9%99r-davam-etdirilir.html#sigProIdaab72c1d55